雷安娜嘆樂壇今不如昔

雷安娜嘆樂壇今不如昔

雷安娜憑《舊夢不須記》一曲紅遍八十年代樂壇，迅速走紅的她當年卻毅然放棄事業，下嫁男朋友並移居溫哥華。最近，她接受有線《星級會客室》專訪，與汪曼玲分享入行經過及選擇在當紅時結婚的原因，更論盡現今樂壇的生態。

雷安娜的入行經歷可謂一帆風順，“我參加過幾個歌唱比賽，都不入三甲，不過有星探睇中我，叫我去試音，一試就得咗，我都唔太知發生咩事，隻歌出咗唱片先叫我簽約，咁就做咗歌手。”初出道便可唱黃霑填詞的歌曲《舊夢不須記》，雷安娜形容霑叔為嚴肅的老師，“佢會教我講嘢，例如叫我唔使次次唱完歌都講咁多次多謝，輕輕一句Thank You就得，雖然佢平時講好多有味笑話，但佢可能覺得我仲係一個少女，每次見到我都只會禮貌問我嘢。”

曾紅極一時的雷安娜，回想當年的歌唱生涯，她感慨現時的樂壇今不如昔，“我哋以前無刻意創造個人風格，但每個歌手都有自己獨特嘅聲音，反觀依家好多人都係跟人唱，無咗自己，歌曲亦畀唔到我一個深刻印象，加上依家娛樂多咗，選擇亦多咗，唔會好似以前只有聽收音機，做歌手自然比較困難。”問到對現時歌手有多人“服侍”的看法，雷安娜回應：“我覺得佢哋好幸福，不過睇場合需要，有時佢哋化兩個鐘嘅妝，我半個鐘就搞掂。”