 【太陽報專訊】藝人苗僑偉（三哥）、林峯、梁烈唯及梁靖琪（Toby）日前在新蒲崗拍攝電視劇《使徒行者》。提到黃宗澤（Bosco）和楊崢公開戀情後負面新聞多多，與Bosco非常老友的三哥和林峯均指沒有過問，三哥更錫住Bosco，叫大家不要給他們壓力，問到會否覺得楊崢大Bosco九年相差太多？三哥說：「咁我就唔方便畀意見啦！大家開心，年紀唔係問題嘅！」
提到早前森美因健康理由辭演《使》劇，三哥表示消息突然，不清楚事件，早前和森美拍攝的戲份亦要補拍：「唔緊要嘅，身體緊要嘛！」而期待與森美合作的林峯，則大感可惜：「冇辦法啦！同佢拍咗一場戲，發覺佢都好攰、好吃力，最緊要身體健康。」
另外，沈震軒昨日為頂替森美的角色首日開工，並稱沒有感到壓力，反而為角色戲份重而感到高興，與對手陳敏之亦合作多次，默契不是問題，他笑說：「唯一希望敏之唔好着咁高嘅高踭鞋！」他指森美要休息調理身體：「之前上佢節目，都問佢有兩個節目做緊，又要開咪、又要拍劇，就算唔瞓都唔掂啦，冇病都仲可以頂住，但一有少少病就冇辦法應付喇。」 | 
