Stephy示威 搵型男攞彩

小魔女

鄧麗欣（Stephy）昨出席now海潤台遊行宣傳活動，場面墟冚，事後有粉絲投訴未能取得禮物。
談到方力申與張馨予的激吻戲，以及對方在微博留言「晒命」，指自己與周秀娜日對夜對，Stephy笑謂：「我知佢最近啲拍檔樣靚身材好。（有冇睇過啲激咀相？）冇必要最好唔睇，不過呢個世界公平嘅，惟有寄望我都搵番啲型男拍檔啦。」
對於早前有指方力申入住的酒店房間留下色情單張，Stephy滿有信心謂：「我返內地拍劇，都有類似嘅紙仔攝入我房，佢拍嘢咁忙，應該唔會亂嚟嘅。」目前仍身在內地工作的小方，原來至今還未開口相約Stephy共度情人節，對此Stephy笑謂：「都想有驚喜，不過唔好送戒指，免得又有新聞嘞。」


放大圖片


Stephy為now海潤台宣傳，場面熱鬧。
望跟黃柏高過檔另有指黃柏高過檔Neway後力邀Stephy加盟，她坦承很久前已開始與Neway接觸，不過由於時間分配問題，遲遲未有最終決定：「都想今年上半年可以落實到。（小方一齊加盟？）我哋有傾過，但一切隨緣，未去到一定要共同進退咁激。」

Stephy手執禮物包準備「大派用場」，可惜圍觀者太多而無法成事。