志偉日本歎生蠔嗌過癮

小魔女

日前到日本東北區拍攝日本觀光局《春之日》旅遊節目的曾志偉，前晚返回東京會合錢嘉樂、洪天明和Otto等拍攝餘下的行程。志偉坦言出發前毫不擔心：「反而唔少朋友係咁『哦』我，搞到好似永別咁！仲叫我全程唔好沖涼，我唔理，水照飲，海鮮照食，吹咩！」他更言到南三陸吃生蠔時大呼過癮：「三千日圓任食，從來冇食過咁新鮮！」
先後到仙台、松島等地探訪災民的志偉，聽盡守望相助的感人故事，他說：「依家我哋要做嘅係復興佢哋嘅旅遊業，我都有帶輻射測試機嚟，嗰度啲輻射仲低過香港！」另外，前日抵達東京的錢嘉樂，獲廿名日本粉絲接機：「我拍殭屍片時佢哋瘋狂愛上我，跟咗我成廿年！」


錢嘉樂獲大班日本粉絲接機。


錢嘉樂、江欣燕、錢國偉、洪天明、麥包與志偉狂擦當地美食。

志偉與Otto在日本熱海浸露天溫泉。