第一桶金買貝沙灣樓花 蔡慧敏激賺2千萬

小魔女

胸懷大志的蔡慧敏(Joey)，為爭取名與利，以E cup身材性感出擊，因為有腦又識抓緊黃金機會，話咁快就賺到人生第一桶金，並於2004年11月以681萬買入貝沙灣1,600呎全海景樓花單位，時至今日，豪宅物業經已升值四倍，淨賺2,000萬，仲同古天樂、張兆輝、伍詠薇、何韻詩及徐子珊同grade！唔怪得Joey可以打風流工，賺錢買bra 戴，閨房珍藏四桶內衣物，真係乜色都有！

睡房大衣櫃
　　單是各類型和各顏色的胸圍、比堅尼泳衣經已佔用了四個櫃桶，Joey最愛靚，每當見到有低胸靚衫，tube dress或者至愛的粉色毛毛褸，她都買到唔會手軟，所以逼爆了兩個頂到上天花板的特製大衣櫃，除電話外，客廳中放置的兩個石雕塑噴水池及火爐都係風水陣，寓意水長流，但連屋主Joey都唔知點解，噴水池竟然冇插電，故冇噴水效果，呢方面她都要問問媽媽。


　　電話滿屋
　　「風水師話，多電話可旺火，可催旺屋企，所以屋企共有八個電話，既可裝飾，又可使用！」最搞笑其中一個鬼祟電話，收藏在客廳沙發旁的地下，她解釋道：「呢個方便隨手拎電話講之餘，有乜突發事，仲可以偷偷報警呀！」

　　浴室
　　買衫買到失控，所以Joey block了閨房套廁的企缸，騰出一個30呎的衣帽間；另外，又將工人廁所改建為鞋櫃，置放過百對鞋子。「之前重多衫呀，過年前我經已好狠心咁將十幾袋衣物捐鰦去救世軍！（纒？乜E cup胸圍都飱普羅大眾咩？）咁有鱓覑得比較逼，較細size鮋。」另外，又因雜物佔用工人房，搞到蔡慧敏只能聘用鐘點傭人。

　　主人房
　　置身風水屋，蔡慧敏唔單只財運亨通，仲事事如意，年前毅然離開娛樂圈，遠赴美國洛杉磯攻讀藝術學位，學成回歸，去年發下功，便撬走佘詩曼（阿佘）內地富二代男友陳聰，兩人感情一日千里，蔡慧敏已渴望明年出嫁，正式成為少奶奶。

　　飯廳
　　Joey的富貴風水屋，屬三房兩廳全海景大單位，採用英式田園設計，上至梳化下至天花線都出自她和妹妹的心思。

蔡慧敏跟媽媽及妹妹同住，蔡母對風水命理有研究，得知向西南會行二十年大運，加上背山面海，居所水平線直望見海岸線，所謂水為財，食正條水！