Aimee勁Bra辣同法拉鍊過

lwl2007

陳茵媺於新劇中一場露Bra戲，令觀眾以此與早前亦曾在劇集中除剩Bra的陳法拉作比較，不過陳茵媺不相信會被比較！


陳茵媺（Aimee）與黎耀祥昨日出席百佳超級市場活動，談到前晚播出的《法證先鋒III》中，除剩Bra的演出，Aimee坦言屬目前最大膽的一幕！對於有指其身材未有如選美時豐滿，Aimee拒絕再討論這些話題：「唔再提呢個話題。」問她陳豪可有捧場？她說：「當晚佢要開工，仲話冇眼睇，不過都想佢睇，因為要佢嘅專業意見。（重演畀佢睇？）唔使喇！」對於早前亦有陳法拉於劇集中除剩Bra的場面，Aimee表示未有留意對方的演出，不相信觀眾會作出比較。

另一方面，曾除剩Bra演出的陳法拉，昨日出席剪綵活動，風頭被性感的高海寧搶盡，不過她並不介意：「知高海寧嚟，費事大波撞細波啦!」提到「視后」之爭有被杏兒趕上之勢，她說：「入圍都好開心，攞到個『豬肉獎』、『牛肉獎』都好啦，杏兒今年表現好好。」

法拉效法阿佘

對於有傳佘詩曼拉隊離開無綫，她說：「我同阿佘有聯絡，佢冇講呢啲嘢喎！佢依家好似去咗內蒙拍嘢，證明有實力有演技，去邊都唔驚，會以阿佘呢位師姐做目標。」
                                                                                                                                        
Aimee在新劇獻出螢幕上最性感的一次，希望愛郎陳豪識欣賞。

                                                                                                              
法拉以白色露肩長裙上陣，有欠睇頭。