黃智雯榮升師奶殺手

lwl2007

繼「關二嫂」後再度飾演犯眾憎角色的黃智雯（Mandy），雖然日日遭網民圍插，但昨晨出席活動時卻甚受歡迎，獲大批師奶熱情擁護，逗得Mandy笑逐顏開。

憑「關二嫂」一角人氣急升的黃智雯，在無綫新劇《On Call 36小時》中再次犯眾憎，不過這次飾演的不再是潑婦，而是機關算盡的實習醫生。未知是否演繹得太神似，Mandy近日遭網民狂插「卑鄙」兼「賤人」，昨晨Mandy以該劇演員身份，與羅仲謙等出席《腦前行2012》慈善步行活動，吸引逾百名途人圍觀。談到新劇角色乞人憎遭圍插，Mandy坦言當初看到負面評價時有不開心：「日日都係咁插，其實都好彩係個角色乞人憎，唔係我個人乞人憎，起碼我喺街度冇人兜口兜面話我！」其實Mandy着實不用擔心，皆因她出席活動時，獲大批市民要求合照，不少師奶粉絲更肉緊地拉着她及搭她膊頭，足見Mandy相當受歡迎。

謙仔唔認送戒指


同場的羅仲謙同樣遭人潮淹沒，談到新劇收視理想，謙仔坦言感鼓舞：「第一次咁有成就感，我哋全班人咩法寶都出齊，我連泳褲都着埋，已經冇（絕招）可以再出，要出就出馬國明。你唔好睇低佢，佢可能係終極身材！」


記者取笑他若收視達40點，會否與緋聞女友楊怡BBQ慶祝？謙仔即扯開話題指當日被拍到買的戒指，其實是想送給母親的生日禮物：「我知有記者跟，其實男人戴都得啫！係潮流。」有記者提醒他楊怡曾公開嫌棄他的戒指細，似暗示已收下禮物，謙仔即澄清說：「唔好咁認真，講笑啫！（下次公開女友做宣傳？）冇啦！」

                                                                                                                                               
新劇收得，羅仲謙與Mandy大為高興。

                                                                                                              
師奶Fans熱情邀合照，Mandy冧爆。

                                                                                                              
劇集宣傳，吸引逾百途人圍觀及捧場。