任達華打書釘都要型

型男任達華日前單拖開車到跑馬地，泊車後步行到附近的便利店買了一些奶類飲品，隨即埋首於雜誌堆打書釘，無論財經類書刊或是娛樂雜誌均興趣十足，未幾即選中目標，再度折返櫃枱付款。
買了新書之後，華哥顯得相當心急，不惜邊行邊睇，靠感覺回頭去取車，及至發現記者拍照，貪靚的他立即取出賊仔帽戴上，貫徹型男作風，此時不少街坊認出他，華哥亦熱情地揮手打招呼，態度友善和親民。