城城撲中3T 贏百萬派錢

小魔女

郭富城愛車又愛馬，而且眼光獨到，閒時愛賭馬仔的他，自爆曾以數百元贏得七位數字的獎金，相當幸運。而剛有新駒的城城就自言他日拉頭馬，不介意邀請名模女友熊黛林一起分享喜悅！
前晚郭富城及林莉、何傲兒、Alice B.等一同出席跑馬地馬場活動，其中城城表示其新購的馬匹剛到埗，但暫未能落場，他說：「佢嚟咗冇幾耐，依家喺沙田馬場做晨操，不過自己冇乜時間去探佢，如果可以搬嚟跑馬地就近啲，去探佢都有親切感啲！」他又指買馬是視乎心情，也要配合天時地利人和，但他享受過程多一點，自言也是馬迷。


性感何傲兒（右）與Alice B.現身馬場活動。


林莉穿紅裙入場，笑言望帶旺贏錢。
留言恭喜朱茵問他贏得最多的一次？城城說：「我試過用幾百蚊贏咗3T，獎金有七位數字，屬於刀仔鋸大樹，（有咩心得？）唔好淨係買一隻馬，孤注一擲，當係一個遊戲咁玩，唔好瘋狂賭博，呢啲係彩數。」他指贏得大獎金適逢公司團年飯，他將獎金當利是畀同事們。至於他日愛駒跑出，會否邀請熊黛林拉頭馬？他笑謂每一個人也可以去，沒予否認。談到前緋聞女友朱茵有喜？城城表示已在微博恭喜對方，並祝朱茵及黃貫中新婚快樂！
林莉約會馬主而同場的林莉就穿上紅裙入馬場，笑言希望可以帶旺贏錢，記者笑問她會否考慮找馬主作男朋友？她笑說：「做朋友先，呢個活動嘅時間唔夠，都會再約，我個人八卦，鍾意結識唔同圈子嘅朋友，可以學到唔同嘅嘢！」
文：名人組

城城賭馬，當遊戲玩，絕不會瘋狂。