張家輝辭演《天》劇冇呻笨

小魔女

張家輝年前被無綫高層曾勵珍誠邀「回流」，近日熱爆全城的《天與地》，原來當初是為他度身訂造之作，可惜《天》劇開拍日期一改再改，令家輝最終因檔期問題辭演。問到家輝可覺得可惜？他直言：「TVB咁多人才，既然有得呢一部，相信嚟緊都會再有。（套劇被內地禁播。）凡事兩面睇，禁播都可以係好事，證明香港創作可以拋開包袱，唔受周邊地區影響。」他又大讚主題曲有出大碟的潛力。
家輝早前減磅演出的電影《大追捕》，除鐵定三月上映外，近日亦成功賣出美國版權。男主角之一的內地演員竇驍前日來港，家輝及文詠珊等即做東，相約灣仔打邊爐。