周志文回鄉橫額歡迎

小魔女

巨聲幫孖仔周志文及周志康到家鄉廣東省連平拍攝節目，他們表示曾多次回鄉掃墓及探親，兩年前亦有前往祭祖，故感覺絕不陌生；每次他們也會與婆婆敍舊，傾個夠才回港，志文說：「婆婆照顧到我哋上中學先返鄉下養老，我哋感情好好，所以有keep住探婆婆。我覺得我哋幾幸福，因為好多人都已經同鄉下冇來往，但我哋仲有好多阿姨住喺嗰度，每次返去都好warm！」

周志文（左一）、周志康（左二）
連平的親戚也知大細孖已加入娛樂圈，除了大表支持外，此行更特地為他們製造一幅寫上「歡迎文仔康仔回家」的橫額，又炮製客家大餐，令志文及志康十分感動！