婷婷冇份同栢芝團年

lwl2007

謝霆鋒日前自爆與張栢芝食團年飯，其妹婷婷昨日出席時裝活動時說：「我冇份亦冇請我。（復合？）我冇問，哥哥喺香港成日睇囝囝，但通常栢芝都唔喺度。（想唔想佢哋復合？）由一齊到分開，我同媽咪、爹哋都唔會討論呢個問題，因為哥哥性格好獨立。」她還透露霆鋒曾為她與父母煮西餐。

同場的JaniceMan最近被指與新片《大追捕》的女副導演撻着，她笑言大家很心急為她找另一半：「之前傳個我唔識嘅人，依家又傳我嘅朋友，我覺得幾好笑，話我係同性戀！」她澄清沒有同性戀傾向，亦從未被同性追求！對於老闆娘樂基兒先後傳出懷孕及流產，她表示不知情：「流產唔可以亂講，有咗係開心事，如果係真，佢會同大家分享。」
                                                                                                                                         
婷婷未有追問哥哥霆鋒的感情生活。


                                                                                                              
Janice Man否認戀上女副導，並澄清絕非同志！