陳敏之「高質一樓一」密接Job

劇集《怒火街頭》前晚播出大結局，鄭嘉穎及陳敏之等專誠夾錢請台前幕後飯敍，胡杏兒及李璨琛則因工作缺席。嘉穎表示將繼續以「Law霸」身份演出續集，問到續集「露啲乜」？他笑說：「未諗到，露牙囉！不過呢啲都係無心插柳！」又指未確定是否開拍電影版。而早前被拍得與男士「蜜」遊超巿的滕麗名，笑言今次一定「死口唔認」，並稱早前被狗仔隊跟蹤，幸有拉窗簾。

至於敏之則自爆看到其角色貞貞慘死時「喊到變豬頭」，問到會否演出續集？她說：「死咗都可翻生啫！客串都制呀！（睇好你攞女配角？）梗想！」又說：「好多街坊話見我死嗰幕好傷心！（有冇人入戲到按鐘仔問價？）冇！佢哋反而話邊有咁高質素嘅一樓一！」此外，最近憑「索腿天后」美譽密密接騷腿Job的她，昨日出席美容院代言活動時表示不過問酬勞，並透露要為陳志雲涉貪案上庭，但未知具體時間。