黎瑞恩食物送露宿者

小魔女

黎瑞恩與已為人母的名模李嘉慧昨出席環保活動時透露自己本來是吃素的，但認識了丈夫後，丈夫問她可否不吃素，因一起吃飯時不知吃甚麼好，她才吃少少肉。至於她的環保生活，她說：「我會用少啲電，政府喺環保上應該做多少少，半夜一點後將啲霓虹燈同大廈射燈熄晒，會慳好多電。同埋我唔會浪費食物，會將食剩嘅嘢食打包，再送畀啲露宿者或者老人家。（你親自拎去？）係呀，我自己揸車去。初初啲朋友見我咁會笑我，但當我同佢哋講完佢哋都有一齊咁做，三嫂戚美珍都試過同我一起去。」

黎瑞恩（左）與李嘉慧都相當重視環保問題。