李家鼎：鍾意嗰陣玩屎都話好

lwl2007

楊思琦突然與李泳豪分手，有指另一原因是不滿他迷上花錢的賽車玩意。昨日李泳豪父親李家鼎受訪時自爆徹夜未眠，問到思琦「有喜」的傳聞，他說：「阿仔尋日至肯同我講呢件事，佢喊咗成個禮拜，但怕我哋擔心，所以一直唔同我哋講。佢咁投入呢段感情，梗係傷心，仲成日問點解！我都成晚冇瞓，我哋成家都唔好過！」有指思琦不滿李泳豪賽車，他勞氣說：「多餘！藉口！鍾意嗰陣玩屎都話好o架啦！依家一切既成事實，我惟有陪多啲個仔，令佢開心啲。」

至於母親施明亦為此事難過不已：「阿仔一直好委屈，我只想個仔幸福快樂，我想佢明白，可以留就留，唔可以就放低。」她表示全力支持兒子，會盡力開解他。

                                                                                                                                       
李家鼎（右）昨日陪李泳豪返電視城開工，期間講到手指指，情緒激動。


                                                                                                              
施明以往非常疼愛「準新抱」楊思琦。