呂慧儀自爆遭問價

lwl2007

無綫咪神呂慧儀、名模趙嘉懿、唐貝詩及王子涵等昨日出席開幕禮，呂慧儀以Deep V裝上陣，訪問期間，竟有男子衝入記者堆中狂(目及)，難得她表現淡定！記者笑她過分矚目，她笑說：「今日有咁多花籃同人牆，已經好好保護！（酬勞好好？）冇問幾多喎！」她自言最近清減不少：「我好努力做運動，加上天氣好熱，消咗水腫！」提到港姐徐子珊遭問價，呂慧儀坦言亦有相同經歷，但已一口拒絕對方：「有人打過嚟問，我好想知佢係邊個，點解會有我電話！佢仲同我講『你個價好好』，我答佢我唔會做呢啲嘢！（冇興趣知？）我怕人哋以為我會有興趣，加上我唔會做，所以唔會問囉！」

唐貝詩堅拒復合

至於唐貝詩表示與毛玉萍兒子Eric再見亦是朋友，因二人有很多共同朋友，所以還有見面。問到會否復合？她說：「唔會喇！分手就分手！（有人追？）有，不過暫時唔拍拖住，始終拍咗拖幾年，依家單身都幾好！」

                                                                                                                                          
呂慧儀性感上陣，自然搶盡風頭！


                                                                                                              
唐貝詩（左）與王子涵爭妍鬥麗。


                                                                                                              
林熹瞳（左起）、趙嘉懿及王璐瑤同樣悉心打扮。