廖碧兒Dry爆等人追

lwl2007

陳豪跟廖碧兒分手已有一段時間，他跟緋聞女友陳茵媺（Aimee）經常隔空打情罵俏，另一邊廂，廖碧兒卻死撐不感酸溜溜，更扮大方表示祝福他倆。

陳豪昨日出席樂施會活動時，談到Aimee早前表示希望與他齊奪視帝視后，他笑說：「得佢支持已經等於攞咗啦！（心甜？）都開心！」他又不忘大讚Aimee不斷進步：「佢今年作品唔多，喺《真相》只係客串，但都做得好好，令人加分！（場強姦戲出色？）做得好！撐佢呀！（性感誘人？）做強姦戲係表達到，就係演員！」他更風騷地預告，他倆將於今日首次以情侶檔出席活動，又笑言會敷定Mask。至於跟陳豪分手後的廖碧兒，被指與富二代林忠豪又分手，情場上再輸一仗。

工作至上放低感情

廖碧兒昨日與薛家燕、糖兄應「梅艷芳四海一心慈善基金」主席蘇蔡潔蓮邀請出席《生之韻律梅艷芳慈善活動》記者會，被問到陳豪將會與Aimee以情侶檔出席活動，她淡然地說：「唔知。（酸溜溜？）冇，當年我哋拍劇，先可以畀觀眾認識我。（佢哋襯唔襯？）佢哋好Nice，發展到咩情況都祝福佢哋！」她稱已將感情事放低，專注工作，又指目前單身，渴望有人追求。

                                                                                                                                           
廖碧兒大方地對前男友陳豪及Aimee送上祝福。


                                                                                                              
最近有愛情滋潤的陳豪，提及Aimee時笑容燦爛。


                                                                                                              
廖碧兒（左起）、薛家燕及「梅艷芳四海一心慈善基金」主席蘇蔡潔蓮合照留念。