鍾嘉欣勸賈曉晨帶眼識人

小魔女

鍾嘉欣冀賈曉晨盡快平伏心情(Tungstar)
    鍾嘉欣勸賈曉晨帶眼識人
    李克勤、謝安琪、梁漢文、鄧紫棋（G.E.M.）、陳偉霆、鍾嘉欣和胡夏等一衆歌手，前晚出席於會展舉行的“新城21聲光綻放音樂會”。
    賈曉晨（JJ）與樊少皇近日戀情曝光，但有指男方隱暪JJ他已婚，嘉欣回應此事時稱：“我希望JJ可以盡快平伏心情，佢係個好乖的女生，對感情好投入，每個認識佢的朋友都讚佢性格好，都想佢能盡快擁有一個美滿家庭。（你有冇慰問佢？）我冇刻意問佢嘅感情事，但都有睇報道，（有冇乜嘢想同佢講？）其實在這行拍拖一定要小心，要真正互相了解清楚才可發展感情，但了解一個人確實要花好多時間，所以一切要從做朋友開始。”
    謝安琪表示，“我最近收到美國音樂劇的邀請，會擔任亞太區代表，同世界各地的表演者一起演出，演出時間大概是十月左右吧，我原定在那時候舉行的內地演唱會也要取消啊，（會帶兒子同行嗎？）佢有假先啦，佢而家英語都講得幾好，相信之後入讀國際學校，同其他外籍小朋友一齊玩也沒問題。”
    音樂會上，陳偉霆在表演時差點滑倒，幸好最後仍順利完成演出，他說：“我初出道時也試過在台上跌倒，那次我被多個舞蹈員抛高，佢哋太用力了，搞到我落地時失了平衡，整傷條腰，休息咗好耐，而家仲有啲陰影，所以我每次上台都提醒自己要小心，盡量避免發生意外。”