徐濠縈變髮女兒笑爆

lwl2007

徐濠縈前晚為I.T旗下CABANE de ZUCCa 2012秋冬時裝騷擔任嘉賓，她透露女兒見她剪了新髮型竟指着她來笑：「佢係唯一一個唔尊重我時裝品味嘅人。（教佢？）冇話教嘅，各人有各人喜好，淨係我嘅髮型佢已經接受唔到。佢打扮係非常之少女，好有主見，有時又堅持着人字拖出街，可能係佢爹哋嘅遺傳。」她透露女兒最近主動要求並穿了耳洞：「我自己都穿過臍環，覺得有少少破相，如果個女要穿我要心理輔導吓佢。我希望佢第時穿之前會同我商量吓，到時再兇佢。不過佢媽咪又有穿環又有紋身，媽咪啲朋友又係，連我媽咪都控制唔到我，可能我第時要受番，係報應。」

                     
徐濠縈笑言女兒對衣着很有主見。