王浩信邀苟芸慧返家飲湯

「宅男女神」苟芸慧昨日穿上喱士裙，與王浩信到將軍澳出席《藝術lace花燈迎中秋》，「苟姑娘」透露中秋無法人月兩團圓，她說：「應該要開工，嚟香港三年都係自己過。（Dry？）OK，同工作人員過囉！（緋聞嚇走追求者？）唔覺，我做嘢還做嘢，行得正企得正。」
王浩信則說：「我驚！話晒『宅男女神』，驚講錯嘢刺激到佢fans，苟芸慧中秋得閒上嚟我屋企飲湯、食月餅，我老婆（陳自瑤）煲湯有一手。（你唔敢單獨約女仔？）只會私下約單身男士，好多時老婆都一齊去，至於其他會好小心。」