李曼筠借豬腩肉補「Cup」

崔建邦緋聞女友Marina V.與「動漫Maggie」李曼筠昨日出席大埔超級城的《新地月滿喜迎中秋》活動，雖然李曼筠身穿低胸旗袍出場，但相比Marina谷盡的「湯碗胸」，明顯輸蝕！被問到上圍是否縮水？她嘴扁扁地表示肚腩胖了不少，希望將肥肉撥往胸部「補Cup」。

Marina則自爆已有新男友：「中秋節可能留喺屋企煮飯仔畀男友食。」她指男友是留港做生意的外國人，拍拖已半年，但坦言仍有與崔建邦保持聯絡，只是沒有約出來見面。提到對方傳結婚，Marina認為不是事實：「我諗唔係真，太快啦！佢之前先話係單身。（你哋仲會唔會有發展？）如果十年後大家仲係單身，或者會啦！」至於崔建邦現時降級做助導，她表示會精神上支持，希望他可以繼續發展事業。