甄子丹獲邀夥阿諾轟天

lwl2007

甄子丹獲邀夥拍布斯韋利士等人，接拍十月開拍的荷里活大製作《轟天猛將2》，片商答應為他度身訂造角色，並靜待子丹首肯簽約。

子丹早前抽空返美國探望家人，被邀與《轟天猛將》投資者及監製飯敍，商談於十月合作開拍續集的可能性。席間雙方言談甚歡，子丹對於《轟》片首集全球勁收二億七千萬美元票房，以及有布斯韋利士、阿諾舒華辛力加等猛人助陣，感到相當吸引，不過由於手頭上尚有其他劇本洽談中，故他舉棋未定。

劇本要吸引

子丹公司的張小姐回覆記者查問時，大方承認：「係有咁嘅事，不過子丹唔會因為佢係荷里活片就『秤先』，最緊要係睇劇本吸唔吸引。（子丹檔期排滿晒？）係好多戲傾緊，但暫時只得黃百鳴嘅賀歲片簽咗約。（傳古天樂辭演《忠烈楊家將》後，子丹對個角色虎視眈眈喎！）唔知啲傳聞點嚟，子丹本身已經好多劇本揀，成件事好荒謬，佢根本一啲興趣都冇。」

另外，子丹早前返美國，要求太太開車，載他重遊兒時的故居及中學校園，期間他表現興奮，更在校園內跳躍及翻觔斗拍照自娛。

                                                                                                                                           
甄子丹戴上黑超及Cap帽在校園內跳起拍照，猶如大細路。


                                                                                                              
甄子丹一家返美國探親，順道四處遊玩，十分溫馨！