劉俐為愛犬捱鬧媽媽聲

lwl2007

無綫藝員、美味天使「藍莓」劉俐（Kibby）自細便很想養狗仔，奈何母親認為牠們又嘈又污糟，一直未有答允，但自從她在寵物店看到一頭芝娃娃後，奇妙的命運將一切都逆轉！就是這頭叫Sasa的芝娃娃狗女，令藍莓大膽跟其母來一招「先斬後奏」。

約於一年前，藍莓經過寵物店，在眾多狗狗中，一眼便「認定」了Sasa：「我對佢絕對係一見鍾情！一抱起佢就知道唔會再放低，我揀都冇揀，亦都冇睇價錢，就即刻買咗佢返屋企。」

九秒九愛上狗

勇字當頭的藍莓先被母親在電話中大罵一輪，當她抱着必死之心準備打開歸家大門時，本以為會被下令要她將小狗退回，豈料母親的心卻九秒九被可愛的Sasa融化了！劉母不但沒有責罵半句，反而從藍莓手上接過小狗，愛不釋手：「佢仲話我塊毛巾放得唔好，令Sasa坐得唔舒服！」劇情峰迴路轉之後，Sasa自此成為劉家一分子，深得主人母女愛錫。

                                                                                                                                         
最初劉俐怕母親反對而不敢買狗，最終Sasa成功打動劉母並融入大家庭。


                                                                                                              
視Sasa如珠如寶的劉俐，晚晚都攬着愛犬人狗同眠！