Hit到爆傅嘉莉泡泡潤面滑晒

模特兒傅嘉莉（Kelly）近年成為廣告界寵兒，最近更踩入影壇，因此要想辦法保持面部肌膚滑溜：「拍戲有好多Close Up鏡頭，有啲瑕疵都會睇到，所以洗面呢個環節好緊要！」最近她開始使用日本品牌Sofina潔面乳，貪其夠滋潤：「潔面乳含有碳酸成分，唧出嚟泡沫感覺好厚、好滋潤，加上一邊洗面一邊按摩，幫助埋血液循環！」她表示洗面後會面紅紅，證明血氣運行。問到尚有何護理秘方？她建議潔面後以凍水搓毛巾敷面：「呢個方法有助收縮毛孔，好似幫皮膚做緊運動咁，增加彈性！」