Phoebe谷行捽碟又失暈

lwl2007

早前自爆在夜店打碟時遭非禮的「葛女郎」許穎（Phoebe），前晚無懼被抽水，再以谷胸打扮踩入夜場，更一時忘形失「暈」！相反中國小姐趙哲妤昨日出席動漫節活動時，自爆最近被狂迷騷擾，為安全計不穿比堅尼！

因在寫真集露毛而出位的「惹火」許穎，曾自爆於夜店打碟時遭「胸襲」，但她仍大無畏，前晚率領3位師妹Cassie、Kimmy及Ally踩入夜場，並化身Hot爆女僕，胸誘宅男及龍友喪影！期間她例牌搔首弄姿，盡顯姣勁，甚至谷胸失「暈」都懵然不知，令人驚訝！日前才被驅趕出動漫節，問到會否再踩場？她竟說：「會！周一（今日）會以電台嘉賓身份參與節目。（被趕？）唔會，我都冇被趕，太多人走唔到！（話你唔守規矩？）唔係！（Jeana話你多餘？）又係佢？成日講我！」

唔抗拒打Botox

對於「爆E超蓮」Iris踢爆Jeana整容，Phoebe乘機落井下石：「佢個胸大家都知！胸明顯唔自然，正常人唔會咁，佢係硬，我係軟，佢瞓地下反地心吸力！（你認為佢係咪整？）眼睇係，但我冇證實過！樣唔知，但整胸要有勇氣！（你有冇整？）Botox唔抗拒，我只外敷！」近日網上流傳多張Phoebe舊照，相中人與她分別甚大，再惹整容疑雲！Phoebe昨日接受電話訪問時坦承相中人是自己，但否認整容：「嗰時仲係肥妹仔，中一、二影嘅，塊面包啲！（腳有紋身喎？）係呀！（整容？）唔係！以前個樣有啲怪，化妝有問題啫！」

Uny不敵9師妹

另一邊廂，趙哲妤（Uny）昨日帶領9位師妹出席動漫節舉行的比堅尼派對，師妹全以比堅尼上陣，「翻版謝婷婷」YoYo更將士多啤梨放在胸前，加上比堅尼Top過小搶「峰」頭，相反Uny只穿Deep V露臍Top配迷你裙，輸晒！難得Uny不擔心被搶「峰」頭，還表示大會叫她做壓軸，又自稱有5位數字酬勞：「我收比堅尼價，不過唔使着比堅尼，因為最近有狂迷出現，佢打畀我助手搵我，又發出抖氣聲，仲喺我舖頭外面等我！公司擔心我安全，所以叫我唔使着比堅尼！我都擔心，唔敢夜晚返舖頭，同埋少搭公共交通工具！」

另外，球星里奧費迪南在微博上載一張親筆簽名的球衣，並發問題及抽選得獎者，而Jeana及Hidy（余曉彤）則率先拿着里奧球衣合照，狀甚興奮！

                                                                                                                                            
Phoebea谷爆上圍踩落夜場，結果搞到失「暈」，認真失策！


                                                                                                              
趙哲妤（後排左二）率領師妹踩入動漫節，人多勢眾。


                                                                                                              
Phoebe即席脫去背心打碟，引起一陣哄動。


                                                                                                              

                                                                                                              
趙哲妤未有着比堅尼，惟有賣笑容搭夠。


                                                                                                              
嘉嘉（左）及YoYo一個谷胸、一個着細碼Top，輕易突圍。