陳慧琳照胎拍片:龍B健康

小魔女

陳慧琳（Kelly）去年飽受孖女流產之痛後，再次接受人工受孕的她現懷兒子「小龍包」五個多月。她昨日到中環產檢，接受4D結構性超聲波檢查後即放下心頭大石。她透露檢查時看見BB全程手腳郁不停，並興奮高呼：「BB好健康！」
Kelly一直希望為兒子劉昇（蝦餃仔）添名妹妹，雖然去年她飽受孖女流產之痛，但樂觀的她再接再厲，接受人工受孕懷有龍胎，更為腹中兒子取名「小龍包」。
懷有五個多月身孕的Kelly，今次佗龍B更為小心。昨日下午約四時，她於經理人鍾珍陪同下前往中環「婦科聖手」何永超的診所產檢，並接受詳細的4D結構性超聲波檢查，大約個多小時後才見她離開。


記者問陳慧琳是否接受結構性超聲波時，她即做出OK手勢。


陳慧琳由經理人鍾珍陪同下產檢。
「撐手撐腳好得意」精神飽滿的Kelly身穿皮褸襯鬆身上衣，步伐緩慢往乘車。期間她見記者在場雖表現愕然，但仍笑笑口打招呼。問到產檢時是否接受了結構性超聲波檢查？她即做出OK手勢，然後四萬咁口說：「係呀！好開心呀！BB好健康呀！我仲拍埋片畀老公睇添！BB全程撐手撐腳好得意。不過醫生就叫我唔好咁緊張，輕鬆啲。」
怕動胎氣延遲出碟問到今次懷孕是否更為謹慎？Kelly說：「總之小心為上，今次連檢查都頻密咗，大約兩、三個星期就會做一次檢查。依家BB仲成日踢我，好活潑。」她又透露蝦餃仔仍未知道快做哥哥，不擔心他會呷醋。平時老公Alex亦會陪她產檢，但因昨日要返工，才由鍾珍陪伴，Kelly上車時更與記者揮手道別。
本報其後致電Kelly助手，他表示Kelly已減少工作專心安胎，就連原本產後推出的新碟亦押後。他說：「因為大住肚嘅Kelly錄音時運氣會頂住，監製寧願延遲隻碟。其實佢除咗嚟緊星期日會去《八星抱喜》首映，之後亦應承做演唱會嘉賓。」他又透露Kelly已增磅十多磅，除飲高鈣奶谷肥B外沒特別進補，平時只吃麥皮、吞拿魚三文治及皮蛋瘦肉粥。