阿Lam父子留鬚激死沙麗

lwl2007

林子祥（阿Lam）下月舉行的紅館演唱會撞正父親節，他坦言有意邀請囝囝在後台協助，提到兩仔爺齊齊留鬚似到十足，他踢爆太太葉蒨文最憎人留鬚：「可惜偏偏揀咗個鬍鬚佬！」

為紀念入行35周年，阿Lam將於下月18及19日在紅館舉行兩場《VINTAGE LAMUSIC CONCERT》演唱會，他透露屆時將演繹1976年到2011年的經典歌曲，並邀得當年《三人行》的詩詩及劉天蘭再次同台合唱，但太太葉蒨文（沙麗）則留守控制台，不會上台，他說：「我自己啲歌都已經滿瀉喇！沙麗留喺Panel（控制台）幫我睇啲音響、燈光咁樣，佢都鍾意做！」

兩父子似倒模

阿Lam透露兒子林德正開始籌備自己的專輯，提到兩父子都一樣留鬚，似到十足，他笑說：「我叫佢留鬚最緊要識執鬚，不時要修剪吓，沙麗成日都叫佢剃鬚，佢話平生最憎鬍鬚，點知嫁咗畀個鬍鬚佬，依家仲連個仔都留埋鬚，真係激死佢！」

阿Lam表示入行35年來推出了逾三十張個人唱片，而演唱會將選唱近五十首金曲，問到35年來最難忘的事？他笑說：「跌落個窿度囉！（今次演唱會有冇窿？）都有，不過只要我知道個窿喺邊，我就冇問題！」
                                                                                                                                         
林子祥踢爆老婆沙麗最憎鬍鬚，但卻下嫁鬍鬚佬！


                                                                                                              
林德正


                                                                                                              
曾在紅館墮窿的林子祥（左二），舉杯預祝演唱會順利。