趙哲妤越Cup開火當DaDa透明

lwl2007

寫真女王Angelababy與周秀娜退出寫真戰，「百果園咪神」陳靜（DaDa）成為「峰」頭躉，豈料中國小姐季軍趙哲妤（Uny）宣布加入戰團，谷出「啫喱胸」，更揚言唔放DaDa在眼內！

踏入夏季，o靚模性感寫真混戰即將開鑼，今年形勢大執位，寫真女王Baby與周秀娜講明唔玩，DaDa上位做「峰」頭躉！形勢大好的她日前試造型，準備到上海拍攝終極寫真，但新血卻「胸」湧而至，繼「嫩版范冰冰」何佩瑜（Jeana）及「E Cup教主」鄧伊玲（阿旦）加入戰團後，《2010中國小姐大賽》季軍、前Jelly Girls趙哲妤（Uny）宣布加入戰團，33C的她無視前輩DaDa，越Cup挑戰咪神！

咪神玩裸背

Uny與王晶女兒王子涵昨日亮相內衣店開幕活動，Uny示範三套性感內衣，谷出Big爆「啫喱胸」，連同場為她設計造型的王子涵亦力撐她骨架靚，但Uny謙稱是產品Push Up效果好。谷胸兼晒腰背紋身的Uny性感誘人，還即場為宅男帶來好消息：「會出寫真，底線是三點不露！」其後，她接受記者電話訪問，問到是否視DaDa為勁敵？她說：「冇諗起佢！」擺明不放對方在眼內！問到會否怕C咪不敵DaDa的D Cup？她即轉移視線，寸爆對方不夠高挑，又不及選美出身的她「高貴」：「我高啲，有43吋長腿對撼，而且類型唔同，我選美出身！」她又表示寫真中不乏內衣照，但會秉承中國小姐傳統，要性感帶高貴。

眼見新血突圍，DaDa絕不怠慢，下周將飛往上海拍攝的她，與造型師兼師妹「翻版吳佩慈」梁詠茜（Lillian）到時裝店試造型，穿上露背裙、低胸連身裙、內衣加透視上衣，若隱若現晒「事業線」。DaDa指此戰以高貴及誇張靚妝取勝，將設計性感造型的重任交託Lillian：「好信得過佢，成個人交晒畀佢。（突破性感底線？）佢揀咩，我都會着，接受裸背，只要成個構圖靚，唔介意性感。」而Lillian則揚言會為DaDa揀大量內衣及泳衣，不會埋沒對方的天賦本錢。

趙哲妤（Uny）

外　號：山寨版法拉

年　齡：23歲

三　圍：33C、23、35

代表作：Jelly Girls成員、《2010中國小姐大賽》季軍及香港區五料冠軍

陳靜（DaDa）

外　號：百果園咪神

年　齡：22歲

三　圍：34D、24、34

代表作：拍攝百果園廣告為人認識，拍攝寫真憑D級身材成為宅男女神，今年擔任電影《喜愛夜蒲》女主角。

                                                                                                                                         
趙哲妤（Uny）


                                                                                                              
陳靜（DaDa）


                                                                                                              
趙哲妤有43吋長腿，直言撼贏DaDa。


                                                                                                              
趙哲妤示範多套內衣，隱約見到腰背的紋身。


                                                                                                              
高貴淑女
穿上低胸裙騷「事業線」的DaDa，凸顯高貴一面。


                                                                                                              
露背甜心
DaDa的一襲露背裙，青春可人。


                                                                                                              
透視潮人
DaDa以內衣襯透視衫，甚有潮流觸覺！


                                                                                                              
Lillian為DaDa設計造型，更落手落腳為她整理戰衣。

lwl2007

新舊大混戰

今年寫真戰不比往年遜色，不少新血加入之餘，去年有份推出寫真的o靚模也分一杯羹，令戰況更趨激烈！

胡心諾（Rainbow）

三圍：32B、24、34

賣點：冬甩加入新血，十幾個o靚模拍寫真

李蘊（Renee）

三圍：32B、23.5、33

賣點：馬來西亞取景，長腿、背脊任睇

趙碩之

三圍：34D、24、35

賣點：中西新舊交雜，岩石胸繼續Show off

呂婉柔

三圍：34C、24、34

賣點：力Sell「保齡球胸」

何佩瑜（Jeana）

三圍：33C、24、34

賣點：複製師姐周秀娜寫真路

潘霜霜

三圍：36D、22、36.5

賣點：借與林峯戀情上位
                                                                                                                                        
胡心諾（Rainbow）


                                                                                                              
李蘊（Renee）


                                                                                                              
趙碩之


                                                                                                              
何佩瑜（Jeana）

lwl2007

施念慈：新人走勢仲勁

兩大o靚模鼻祖周秀娜（Chrissie）和Angelababy避席今年寫真戰，o靚模形勢重新洗牌！Chrissie經理人Roy不擔心今年寫真冇人買：「Chrissie同Baby當日何嘗未做過新人？佢哋都係靠寫真為人所熟悉，寫真造就新人嘅出現，依家咁多新人出寫真，市場只會愈來愈精彩！今年我哋嘅Jeana同Hidy寫真版權都有賣畀內地出版商，就知有市有價。今年連潘霜霜都出寫真，我覺得反而係保家之戰就真！」另外，DaDa的經理人施念慈則說：「每年都有新人，唔擔心DaDa嘅寫真冇人買，最緊要係佢自己做好啲！就算Chrissie同Baby唔玩都對個市冇影響，始終大家形象唔同，可能新人走勢仲勁！」
                                                                                                                                        
施念慈認為Baby不出寫真，對市場冇影響。