高海寧降呢拉客賣胸殺o靚模

lwl2007

港姐出身的無綫「咪神」高海寧，不惜「降呢」拋胸撼o靚模，化身爆胸女戰士出席動漫節活動，代表無綫J2台拉客。由港姐變Game Girl，難得她沒有感到不快，認真識做！

書展寫真大戰昨日在「峰乳」中圓滿結束，但眾o靚模未有鬆懈，事關每年一度的《香港動漫電玩節2011》，緊接於本周五開鑼，屆時「浸大E神」楊梓瑤、「百果園咪神」陳靜、寸嘴o靚模何佩瑜及日本AV女優小澤瑪莉亞等，將會「胸」群而出，攞正牌行性感誘宅男！

戰衣爆胸驚肥咗

昨日無綫「咪神」高海寧偕天使妹「香蕉」王淑玲，化身性感噴血的「J2動漫女神」，亮相《香港動漫電玩節2011》記者會，同場雖然有其他性感Game Girls及水着女，但高海寧不負「咪神」之名，發揮驚人「咪」力，以三吋波罅「峰」殺全場！雖然由港姐「降呢」為Game Girl，並要拋胸吸客，但高海寧毫不介懷：「今次係代表無綫J2台做大使，所以冇唔開心，而且好榮幸，平時都冇得咁着出街。」記者發現其爆胸戰衣過窄，問到是否再升胸？她緊張地反問：「係咪即係肥咗？我試呢件衫時都覺得窄咗，依家做咗纖體代言人，會努力Keep好身形。今（昨）日着呢套係輕便版，正式嗰日就會着另一款加咗盔甲喺膊頭，到時完全冇人埋到身。」

贊成Phoebe被禁足

對於是非o靚模許穎（Phoebe）被禁入動漫節，高海寧只說：「尊重大會決定，可能驚到時引起混亂。（佢教壞細路？）唔知呢！睇漫畫係小朋友必經階段，題材健康就OK。」

同場的「中國小姐」趙哲妤（Uny）透露，在動漫節為一款Online Game擔任代言人，屆時會以性感姿態入場做宣傳。此外，日前有狂迷在她位於商場的寫真宣傳店門外送花及情詩，Uny經理人得悉後十分擔心其人身安全，正考慮動漫節當日聘請保安保護，禁止狂迷埋身，惟Uny反而不太擔心，並為首次收到情詩而感動不已。

                                                                                                                                         
高海寧化身爆胸女戰士，發揮「咪神」本色！


                                                                                                              
高海寧（左）率王淑玲為J2宣傳。


                                                                                                              
陳靜與楊梓瑤會殺入會場冧宅男。


                                                                                                              
楊梓瑤


                                                                                                              
趙哲妤密實上陣，不及身後的水着女吸引。


                                                                                                              
趙哲妤收到狂迷送上的鮮花及情詩。