古Sir自爆飯桶叫波基

lwl2007

古巨基出席活動時自爆小時候非常大食，以湯碗食飯的他長出球狀身形，人稱「波基」！而基仔與現場小朋友玩IQ題時大放笑彈，場面爆笑！

向來愛搞笑的古巨基，昨日以古Sir造型出席奶粉宣傳活動，並為參加遊戲的小朋友改花名，又動用私家爛Gag IQ題考大家，炒熱現場氣氛！活動以兒童偏食問題為主題，基仔自爆小時候非常大食，尤愛零食：「鍾意食雪糕、魚蛋嗰啲冇益嘢，我細個用湯碗食飯o架！食一至兩碗，細個已經可以着阿爸條褲。」

最怕做運動

提起童年趣事，基仔不忘以爛Gag娛樂大家：「我有個花名叫『波基』，成個波咁，仲係一波三『截』添，一截截呀！好彩後尾長高拉長，由原本球狀變條狀！」基仔又指小時候不愛做運動，雖然踢波但卻守龍門不用郁動，上體育課亦經常扮肚痛，他說：「運動會咪做設計場地囉！會參加一項半項比賽，馬拉松嗰啲，啲人唔知我跑緊第幾個圈嘛！」

雖然基仔已不是「波基」，但他直言仍有「大食症」，因當藝人食無定時，有時甚至一日只吃一餐：「依家飲食上都唔夠均衡，唔定時定量，呢排忙拍戲同預備演唱會，身邊同事都會(目及)住我，睇緊我體重。」

                                                                                                                                            
基仔自爆小時候非常大食，花名叫「波基」。


                                                                                                              
基仔與小朋友玩IQ題時搞爛Gag，大放笑彈。