《爆足一周》暫停 查小欣接受現實

王腳立

查小欣昨晚宣布暫停播了四集的無綫節目《爆足一周》，節目負責人余詠珊承認《爆》將重新部署，明年再出擊，接力播出是蘇民峰的風水節目。雖然節目播出後被踩講「舊聞」，但其實有不少過辣的料，無綫因擔心法律責任問題而不敢爆，包括電影公司老闆與前旗下藝人的糾紛及無綫藝人的桃色事件等，今次《爆》趁暫停期會跟公司法律部門重新研究，希望新一輯可合法「爆料」。
自言是電視新丁的查小欣表示做了電台15年，突然轉做電視需要「淨化期」：「趁呢段時間再做功課。（難受？）冇，知道好多網民好大回響，我接受現實，我仲要多謝好多人，好似狄波拉，佢雪中送炭！（被網民人身攻擊？）冇嘢喎！佢哋話我老，係人都會老啦！佢阿媽都老o架！」而余詠珊則說：「《爆》係需要停一停、諗一諗點做。（節目爆料多掣肘？）係o架！除咗法律問題，仲有我哋都要顧及藝人形象，冇可能做『死』自己嘅人！」


查小欣宣布《爆》暫停，並多謝拉姑雪中送炭。