高海寧見李晉強驚尷尬

lwl2007

昨日高海寧大晒胸前事業線，與黃宗澤（Bosco）出席《黃易群俠傳2 Online》記者會，高海寧說：「遊戲入面個女仔仲性感，連白色Tube都唔着！我基於安全同唔影響美觀下，決定咁着。（港男冠軍李晉強以為你係鄭裕玲？）佢外國返，可能唔熟香港藝人，我若果有嘟姐口才都唔錯呀！我係睇好佢，唔係向佢示愛，第時見到面都唔知會唔會尷尬！」Bosco則大爆胡杏兒鍾情玩戰爭、射擊等男仔Game，僅三、四天可以打爆一隻Game。

此外，Bosco日前率Fans到迪士尼樂園慶祝新劇《潛行狙擊》煞科，他說：「為咗答謝Fans陪我，我準備咗惹味豬肉腸同果汁，但整唔到我最拿手海鮮意大利飯，留番下次至畀佢哋大飽口福！」
                                                                                                                                     
大晒事業線的高海寧與Bosco出席記者會。