靚靚為傑仔醉駕內疚

小魔女

⬅狄易達與四位“天使” 合照（Tungstar）

靚靚、傑仔份屬老友。

《變身男女Chok Chok Chok》華麗登場

周氏姐妹同屬美人胚子
    靚靚為傑仔醉駕內疚
    前晚，袁詠儀(靚靚)、草蜢、周汶錡、周麗淇以及狄易達以嘉賓身份出席無線全新綜藝節目《變身男女Chok Chok Chok》的首集錄影，談到蔡一傑涉醉駕聆訊即將開審，靚靚謂很後悔當日勸對方買車，認為自己有份累他出事。
    前晚“變身男女”首次錄影，周麗淇表示這是第二次與家姐周汶錡一起上遊戲節目，“雖然今集大多是前輩級，但我都唔會留力。”而與傑仔同隊的靚靚談到好友涉醉駕，她即表現內疚地說：“係我叫佢買架車，因為我見佢工作咁辛苦，好應該買車奬勵自己，豈料反而累了他，我很不好意思。(如何氹返對方開心？)多啲上佢屋企食飯囉。其實出事後佢都好唔開心，佢已經得到應有教訓，身為朋友，我一定會無限量支持佢。”靚靚又大讚草蜢三子的廚藝好叻，可媲美飲食節目大廚，特別對蔡一智煮的蝦麵實在回味無窮。
    對於老友為事件深感內疚，傑仔謂不關事，因醉駕是自己一手造成，唯有等待周五審判結果。他又謂靚靚已很多年沒試過其廚藝，下次有機會，會親自下廚及宴請好友伍詠薇一同品嘗。