DaDa教路防偷拍琦琦倡報警

身為「百果園咪神」的陳靜（DaDa）是不少模的借鏡，提到有同行遭博懵，她即過幾招給姊妹「傍身」：「試鏡時，我只會去女廁換衫，如果叫我去指定房間換衫，我一定會拒絕，因為唔知道會唔會被偷拍！」

一眾名模亦十分關注事件，琦琦說：「我冇試過啲咁嘅事，其實如果係專業Model一定唔會發生，因為一定會有經理人公司，冇可能自己接Job，因為關乎稅嘅問題。社會有好多壞人，但要記住做Model係展示一件服裝、一件產品，而唔係展示你嘅身體，如果真係不幸遇到呢啲事情，一定要報警！」而陳嘉容則說：「冇試過呢啲事，逼我行Catwalk行得好啲就有。（遇到點樣處理？）一定要報警！如果想入行嘅女仔要記住簽約係唔需要畀錢，仲有如果有人話想識你，千祈唔好信，因為正當Model係唔會用呢個途徑嘅，總之自己要醒目啲，唔好做啲咁蠢嘅嘢！」