劉嘉玲影後風範過江插旗

小魔女

影后劉嘉玲昨日偕型男古天樂到澳門出席聖誕亮燈活動，更大晒白滑玉背繼續做「影後」。席間，嘉玲自爆腕錶生意不俗，故計劃到澳門開設兩間分店，實行「過大海」插旗。
劉嘉玲與古天樂昨日到澳門，為威尼斯人酒店主持亮燈儀式，期間大批個人遊旅客欲攀欄進入記者席，一睹明星風采，險釀混亂。身穿大露背晚裝的嘉玲自爆其腕錶生意不俗，稍後將到澳門開設兩家分店，她說：「之前喺北京同武漢已經開咗分店，生意都算託賴。（轉型商界女強人？）千祈咪咁講，都開心咁快有錢賺，仲係學緊嘢。」
聖誕節將至，嘉玲透露每年均會與另一半梁朝偉交換禮物：「佢啲禮物年年都難忘。（有冇送過影帝獎座？）唔會，佢多數擺喺當眼地方一陣，之後就收埋。」


嘉玲與古仔到澳門出席聖誕活動，火樹銀花，充滿節日氣氛。


大會安排不同國籍的小朋友大唱聖誕歌，令嘉玲及古仔喜上眉梢。
對於被指遠赴美國進行人工受孕，她面帶笑容地說：「冇呢啲事，呢排好忙，都慣咗被傳有BB同夫妻不和。（學陳慧琳利用科技？）依家科技咁先進，如果我哋要（BB）一定有途徑，但順其自然啦！」
古天樂飲醉就瞓談到陳浩民攜妻公開道歉？她即「O晒嘴」反問記者詳情：「冇睇到，但相信佢太太會比較難過。無論佢有冇飲醉，希望佢吸取教訓，總之唔飲得就唔好飲啦！」
至於古天樂透露下周飛往天津拍攝新片，未能留港過節：「可能到時會同啲台前幕後慶祝。」問到會否飲酒？他即煞有介事地說：「我飲酒鍾意慢慢歎，飲醉就瞓，一有問題即走。」他又自爆曾購買足部除臭產品作聖誕抽獎禮物，再暗寸中獎友人腳臭。