朱千雪對住黃德斌換衫

小魔女

藝員朱千雪與黃德斌在新劇《再戰明天》中飾演懲教署更新組人員，前晚兩人到中環拍攝外景，朱千雪與黃德斌臨時收到指示要出動找尋釋囚，朱千雪被迫在黃德斌座駕內換衫，換衫時更露大髀，認真香艷。問到朱千雪可會感尷尬？她說：「ＯＫ啦，又唔係真係除曬。（同德斌合作有冇壓力？）今日第一日開工，暫時冇壓力，佢都好nice。（怕唔怕傳緋聞？）咁又唔驚。」朱千雪笑謂劇中雖然不時被飾演上司的黃德斌鬧，但間中也被其凌厲眼神「電暈」。
黃德斌則大讚朱千雪有實力，他表示：「佢唔係花瓶，係有實力o架！仲美貌與智慧並重！」問到拍攝時有否過朱千雪兩招？德斌打趣謂：「佢教我咪得囉，佢教我擺甫士。」


黃德斌讚朱千雪有實力，不是花瓶。