「辣椒仔」婷婷遭拉姑禁鍊車

謝婷婷日前為沙田馬場舉行的女皇盃任嘉賓，她向ontv大爆父母及男友均曾送她手錶，唯獨哥哥霆鋒「得兩梳蕉」：「佢連生日禮物都冇送！朋友叫我叫哥哥送車，我由細到大都冇試過開口叫人送嘢畀自己，如果係都會叫佢送錶，因為媽咪唔畀我揸車。」婷婷透露遭媽咪戲謔「辣椒仔」：「媽咪話我手車好辣，其實我喺香港都唔敢揸快車，我揸車係有效率但安全！（哥哥手車都好辣？）我坐過佢揸架法拉利，覺得好安全！」