認叫即場搞入會志偉急Call安撫

藍月亮

【太陽報專訊】已辭任演藝人協會會長的曾志偉昨日由內地靜修返港，甫落機即出席公開活動。談到該會改選會長但流會，會員之一的邵音音在微博炮轟「一人獨大」，阻止其他人當選會長，志偉聞言大表無奈：「落機先知，但唔係一個人決定，佢哋Call咗副會長三哥（苗僑偉）返嚟，係成個委員會決定，合情合理！（流會？）其實流會都唔係第一次，以前試過選咗21位理事之後都流會。」
談到音音姐的投訴，志偉說：「唔會（黑箱作業）！如果係咁就即刻推選（會長），咁樣陰謀論係咪會大啲呢？無論如何根據會章，23號之前點都要選。」對於秋生被「拒諸門外」後勞氣表示另闢新會，又投訴不受尊重，志偉說：「佢嘅班底好多人都未登記成為會員，要補番入會先得。有啲會員想根據約章辦事，有啲程序唔係即刻搞到，但我認有同秋生講過法律不外乎人情，去到有得搞嘅，大家嘅爭拗點就喺呢度。（秋生話冇得入去會址？）唔會！（佢話搞新會，叫你去做番演協喎？）我會打電話了解同安撫吓佢。」