CNN話比利死咗？嘖，講呢啲！

chan200308

聖人都有錯，隨著資訊的流動速度加快，真消息固然很快通天，假消息一樣可以如傳染病一樣擴散，再大的新聞機構都可能「中招」。

原本以為這個世界已經沒有秘密，成個天都是飛機、衛星的天眼下萬事萬物無所遁形。不過，當馬航的事件出現，大家都知道各國的衛星訊息原來都有盲點，大牛龜一樣的飛機可以憑空消失，連最後的位置都可以完全毫無頭緒，原本所謂「可靠」的訊息來源突然都變得不可盡信。

例如，龐大如CNN的媒體，公信力可謂非同一般，不過早前都可以犯下超低級錯誤。在3月28日，CNN在社交網站twitter上發布了球王比利的「死訊」，當薄荷糖正與一班麻甩佬朋友感慨世上又少一盞名燈、正要祈求女神LULU千萬不要有事的同時，竟然發現出現大錯，比利其實正舒舒服服搭緊飛機去西班牙，無穿無爛。發現誤報後，CNN的「New Day」欄目即刻刪除貼文，為誤報道咗歉，仲幽自己一默，貼咗一句：「比利嘅代言人同CNN講，他仲未死，生活得好好，有心。」這一次與某電視台誤報中國前領導人死訊一樣異曲同工、一時瑜亮。

不過無論誰對誰錯都無所謂啦，眼見的先為真實。好似早前有報導曼聯92一代想「買起」曼聯、取代格拉沙家族，其實某情度上都是誤報，因為曼聯92一代想買的不是曼聯，而是沙福特城（Salford City FC），有齊照片、訪問，唔信都唔得。

足球場上，除了草最多之外，奇怪新聞的數量亦不會比草少。所以薄荷糖都係奉勸大家一句，睇足球新聞有時都係以平常心睇啦，邊句真邊句假，有時真是撲朔迷離，尤其成日傳嚟傳去嘅轉會消息。太認真，你就真的輸了。