柏豪暗寸陳山聰：我冇結過婚

周柏豪昨日出席電腦遊戲活動，心情大好，對於有指「情敵」陳山聰因何超雲而離婚，柏豪說：「唔知人哋嘅事，外人唔應該講咁多。（事前知佢哋認識？）唔知，唔識陳山聰先生，亦唔清楚佢（超雲）識咩朋友，喺公開場合見過兩次。」對於陳山聰飽受抨擊，柏豪說：「係大人嘅事，我冇結過婚，唔知道婚姻係咩嘢。（超雲好搶手？）咁咪好囉！（你唔搶？）我想自己畀人爭多啲！」

他直言會小心說話，又解釋在微博發表的「有錢人論」並非要與任何人劃清界線：「我只係叫有錢過我嘅朋友，唔好同我出咁多街，我係諷刺我咁窮，朋友有錢過我係好正常，好似之前同吳雨霏出去又畀人影咗。」另一邊廂，超雲在微博以「交友論」力撐陳山聰，柏豪不想回應，但假如兩人拍拖，會送上祝福。