職場係咪真係無朋友？

didi

聽過好多人話喺職場上根本唔會有朋友，更認為要識朋友係可免則免，返工就真係返工，為的只係一份糧，同同事最好保持距離，唔好太close。
根據非正式的統計，認為職場上無朋友的主要原因係：
1) 跟同事有利益衝突，隨時大家會「踩」住大家上位。
2) 辦公室政治太可怕，是非之地，小人當道，分分鐘俾人出賣。
3) 有啲人恃熟賣熟，會喺工作上偷懶，然後叫你幫手執手尾。
就係咁，所以大部分人喺職場上，都對其他同事存有戒心，抱住「防人之心不可無」的心態，同其他人保持一定的距離。
相反，好多剛剛畢業出來社會做事的職場新丁，就會以為社會的成人世界，同以前返學嘻嘻哈哈的世界無分別，佢哋喺職場上，以為好似喺學校入面咁，覺得全部人都會好friendly，隨便say個Hi就可以同人混熟，但其實佢哋已經係由「清純」的世界，跳入了一個「複雜」的世界！
其實，要喺職場上認識朋友，唔係無可能，不過已經唔同學生時代的做法，而係需要另外一些技巧。重點就係：見機行事！
職場上會唔會交到朋友，好睇間公司的文化、同事係咩人，有時真係「人夾人緣」。你可以：
1) 如果有啲人好cool，唔鍾意講嘢（亦唔排除公司的氣氛習慣係咁），你需要有耐性用時間慢慢融入，閒事主動同佢哋講吓啲生活無聊事，例如：行街、食嘢、扮靚、電影等等，傾傾吓可能發現大家有共同興趣，對方會願意同你講更多。
2) 微笑同有禮貌係最能夠表現友善的工具，每朝返工同同事講「早晨」，喺pantry撞到同事點頭微笑等等，都會令人覺得你份人比較nice，亦會願意同你親近多一點。
3) 同事約大家周末gathering，不妨嘗試出席，同大家建立良好的關係，對工作上的合作也有利。
其實喺任何工作環境下，都應該同其他同事相處和諧，兼有良好的溝通，至於要唔要做朋友，就在乎大家久而久之的相處。當然，職場上有唔少人好勢利，始終呢個世界咩人都有，所謂「路遙知馬力，日久見人心」，自己還是要學識保護自己。
總之，唔好無謂地諗多咗，入一間新公司之前，唔好assume會無朋友，亦唔好太天真以為自己加入了一個大家庭。職場上的人際關係亦算係人生練歷的一種，是每個人都要持續學習的一回學問！

bluebird

我想你死，你想我忘，正常，但係有冇想過.唔會出多卅份人工。

waterpool

同機構共事好難做到朋友, 能通力合作做好公司工作已經很好, 如想成為好朋友, 惟有其中一個轉工, 咁就少左工作上的阻礙.