奔放無極限？裸奔馬丘比丘

藍月亮

唉，別說我思想守舊，去得馬丘比丘志在睇遺跡，做咩無啄啄睇人裸跑？唔該顧吓其他遊客既感受吖！是咁的，被列為世界遺產之一的秘魯古蹟馬丘比丘，本是神聖莊嚴的地方，去年成為天體之友裸拍勝地。早前一對裸仔裸女狂奔馬丘比丘，仲畀人拍片放上網，連秘魯文化部都鬧爆，差人亦要加大力度執法。


呢對澳洲同紐西蘭籍的裸跑男女畀警方扣留，勒令他們刪除所有照片，同時在古蹟豎立警告牌，防止有人再次褻瀆文化古蹟。警方話舊年已有 33 宗類似案件，今年就有 4 宗，呼籲旅客自制。秘魯文化部副部長卡斯蒂略 (Luis Jaime Castillo) 亦炮轟裸跑無禮，屬「文化犯罪」，應該立刻被驅逐出境。