泰好運鮑魚海鮮骨煲

綿羊

泰好運鮑魚海鮮骨煲 嘻 嘻

原隻椰青焗海鮮，大蝦、青口、魷魚撈埋泰式咖喱，椰香滲入其中，正！ 鮑魚海鮮冬蔭功筒骨煲用料豐富到嚇親你，有齊鮑魚、海鮮、六斤筒骨以及豐富配料，僅$188，性價比一流！ 泰式醃青芒爽脆香甜，唔使多講！ 火箭筒型的鮮榨啤酒，相當型格。 食完骨煲，整返碟摯愛甜品芒果糯米飯，香、軟、甜、糯，齒頰留香。 夏日炎炎，整返杯青檸冰或者龍眼薄荷冰，消暑一流。

泰好運鮑魚海鮮骨煲     時下百物騰貴，三五知己、一家暢聚，閒閒地一千幾百“冇走雞”，如果$188大大煲、超抵食、超駕勢的“鮑魚海鮮冬蔭骨煲”你又點睇？你冇聽錯，位於黑沙環馬路、百佳對面的“泰好運”，兩百有找！     食界有云，“唔滾唔知身體好！”自從推出$158超抵食的海鮮冬蔭骨煲獲食客追捧後，泰好運老闆再加碼推出全新鮑魚海鮮骨煲，除原有六斤筒骨、新增生猛鮮蝦、魷魚等海鮮料外，再落重本，額外再加五隻鮑魚，關鍵是價錢公道，味道真係有返咁上下，值得推薦！     睇下呢煲贏盡回頭客的“加料”骨煲有乜料？真係樣樣有睇頭，鮑魚、鮮蝦、魷魚新鮮生猛，滾熟即食，爽滑鮮美；六斤筒骨已被少少酸辣冶味的冬蔭功湯底浸到入晒味，啜啜骨筒裡面的骨髓，相當過癮；識食一定食的“配角”，雞腳、蘿蔔、粟米、秀珍菇、娃娃菜，入味到不得了，最“索”係你啦！

咱是陳小肥

薄荷冰 ... ... ... 正