上松山睇大賽車

rice333

試過買票入場睇大賽車，熱到飛起。請問是否可以走上松山睇？

rice333

回復 4# IF212

昔日爬上山睇的日子，聽到都覺得過癮。

rice333

好彩得兩位講下……等我唔洗再妄想去松山睇

IF212

這篇報導也有提及上松山睇賽車的

澳門大賽車歷史悠久，地方細細能在國際賽車壇打響名堂，皆因為亞洲首個地區舉辦格蘭披治大賽。六十年，夠吸引。

澳門搞賽車，當年由一班葡籍賽車愛好者構想，獲香港汽車會協助，在上世紀一九五四年舉行第一屆比賽，當時只有十五輛戰車在東望洋跑道馳騁。起跑時，車手跑步上車，鬥足四小時，以完成路程長短列名次，香港葡僑嘉華路奪冠。當年免費入場，觀衆逾二萬。

聽老人家講，比賽萬人空巷，小市民對“大聲車”、汽油味特別感興趣。後來賽車搞大，要收門票，冇免費賽車睇，車迷則抄小路上松山，或潛入山頂醫院斜坡，睇一小段路程亦感過癮。有人與新塡海菜農稔熟，助攞多張出入通行證，又可"捐窿捐罅"睇賽車。

香港無線一九六七年開台，第一個現場直播節目就係澳門大賽車，此亦為澳門電視史上首次直播。

當年賽車，松山環山徑甚熱鬧，小販凌晨上山，賣糯米飯、番薯、雞蛋及飮品等，只為做點小生意。商家則賺到盆滿砵滿，舊日酒店不多，利為旅、中央、松屋等滿瀉，連阿伯別墅（葡京新翼對面）也老早爆棚，發市當三年。新馬路手信店更好生意，英記、顯記、元記並非賣餠最勁，而係賣奄仔蟹、洋酒最好搵。

舊日賽車場設備簡陋，沙包及竹欄充當防撞欄，加思欄木製行人天橋曾於一九五九年坍塌，傷廿一人，比賽腰斬。賽車屬危險運動，昔日賽事死得人多，港澳都有車手喪生。最轟動係菲籍著名車手羅路一九六七年在東方彎撞欄被燒死；一九九八年那場超跑賽，有位消防員撲滅烈火戰車時，被一輛疑遇路面機油失控的戰車撞死；也有戰車在葡京彎直衝障礙物撞斃路過內地人。

賽會安全設施做足，符合國際汽聯規格，加上戰車對防護車手有保障，理論上安全。但現今科技發達，戰車速度越來越快，不少項目時破圈速，在澳門路窄彎多而無緩衝賽道，顯得危機四伏，對世房賽技高車手則無大考驗，對初來甫到新手而言，可要加倍小心。

IF212

現在上松山睇唔到大賽車啦, 因為週圍都建成了高樓, 將跑道的景觀都遮掩了, 我記得細路仔時睇賽車多數上松山睇, 在七十年代在松山睇賽車也要收入場費的, 大約十元左右, 如果想免費睇便要早一點起床, 趁跑道未封閉時, 在早上六時上去, 如果起遲咗床, 就要在二龍喉公園附近爬山上去, 松山上面真係好熱鬧, 有熟食檔提供食物及飲品, 很多晨運客也被吸引了, 睇埋賽車至落山, 我在七十年代有很多年都在松山上睇, 現在諗番, 都記憶猶新, 別有風味

waterpool

遮住哂, 睇唔到.