黃宗澤眼傷未愈焗戴黑超

lwl2007

黃宗澤前晚出席htc手機活動，他解釋被迫戴黑超示人的原因：「可能年紀大，我眼傷未好，隻右眼好似想發炎咁，唔戴超，人哋望到我對眼，會以為我好累，好似想瞓咁。（睇得鹹嘢多？）鹹濕嘢同細菌冇關o架噃！（驚傳染畀胡杏兒？）佢出咗埠，我驚好唔番就真，因為要拍節目巡禮，我有三條片，時裝就話戴超，古裝要鏡頭就，有編劇爆畀我知我有份演《衝上雲霄2》，但冇爆我同邊個有感情線。（唔想同杏兒鏡頭前談情？）都冇嘢呀！觀眾鍾意睇咪得囉！」

                     
黃宗澤表示因右眼發炎而被迫戴黑超。