基仔末日後娶Lorraine

lwl2007

古巨基與助手Lorraine的「巨Lor戀」逐漸白熱化，前晚基仔藉着開個唱，向拍拖17年的「背後女人」承諾2013年會迎娶對方。


古巨基於8月的生日派對上，在老闆楊受成推波助瀾下與助手Lorraine齊切蛋糕，「巨Lor戀」得到外界肯定。基仔前晚開騷，Lorraine留在後台打點一切。但基仔向「女友」派定心丸：「如果世界唔末日就結得過。」暗示2013年娶對方。

憶排舞感觸落淚

基仔在個唱上以《魔盜王》、《未來戰士》、《星球大戰》及豹紋造型亮相，極具創意及前衞。操得一身肌肉的他露出兩臂的「老鼠仔」，引得女歌迷o依嘩鬼叫！基仔更與任嘉賓、谷胸扮公主的Jessica C.（JC）「咀嘴」，還叫對方講廣東話「我跳舞跳到隻腳勁腫」，豈料JC講不正，他即取笑對方的警鐘胸：「係勁腫，唔係警鐘！」令全場捧腹大笑。

基仔勁歌熱舞後感性剖白：「大家信唔信2012世界末日？我就信信哋，如果係，今次係最後個唱，諗起自己仲有咩未做。」全場起哄大叫「結婚」，他即耍手擰頭說：「唔係，你哋搞錯。」直至完騷後會見傳媒時，他被追問下才說：「如果2012世界唔末日，咁婚就結得過！」台上提到排舞辛酸史時，基仔感觸落淚說：「想畀大家知我有咁嘅能力。」隨即走到台邊與經理人霍汶希擁抱。
                                                                                                                                           
基仔苦練舞功，並以多個前衞造型示人。

                                                                                                              
基仔與Jessica C.咀嘴，掀起全晚高潮。

                                                                                                              
作公主打扮的Jessica C.，谷出招牌「警鐘胸」。

                                                                                                              
基仔感觸落淚，經理人霍汶希送抱以示安慰。

                                                                                                              
基仔的豹紋造型令人一見難忘。