Baby賺半億拋離娜姐JC

lwl2007

Angelababy吸金力驚人，憑男友黃曉明聲價十倍的她已年賺半億，榮登今年吸金女神！其死敵周秀娜亦毫不遜色，憑北上發展賺得近2千萬，排第三位的「警鐘模」Jessica C.則只比娜姐賺少60萬，難怪三位吸金女神也高呼：「我要買樓！」


宅男供給女神荷包養分，得到他們的支持，三位宅男女神Angelababy、周秀娜和JessicaC.變成圈中小富婆，吸金力絕不比一線紅星遜色！在內地小生黃曉明帶挈下，Baby躍升港產女神吸金王，單是今年收入已近半億，令人咋舌！Baby成功攻日，早已在當地打響知名度，單是一個洗髮水代言廣告，已淨袋逾600萬元酬金，今年狂接至少15個廣告的她，單是廣告收入已達3,750萬，加上片酬達150萬及豪華級的12萬騷價，全年埋單估計收入達4,950萬，足夠她在港島區一炮過買一間豪宅！


至於Baby死敵周秀娜也不賴，複製Baby上位之路，繼成功攻日後，今年全力留在內地發展，除續約成為內衣品牌代言人，狂袋800萬外，她亦早着先鞭開拓內地打碟市場，令打碟在o靚模界蔚然成風，收入更比去年多賺一倍，全年收入約1,920萬，難怪不少宅男對其男友Avis咬牙切齒，能有一位娜姐這樣又靚又有米的女友！


而JC則緊隨Baby和娜姐之後，成為吸金女神第三位，以「Canon甜心」打響名堂的她，今年狂拍廣告，每個廣告酬金達150萬，加上瘋狂接騷，今年收入只比娜姐賺少60萬，達1,860萬，認真唔講得笑！


聰明勤力 (目及)實樓市

三位女神有如此吸金力，難怪她們異口同聲希望買樓！Baby經理人Kim被問到Baby是否年賺半億，她哈哈大笑說：「梗係冇啦！有我哋就真係好開心喇！Baby係一個好勤力嘅女仔，多謝大家畀機會佢！（點使錢？）Baby好聰明，佢不時留意樓市！」而娜姐則說：「今年雖然好少留港，但收入都可觀，比上年賺多好多，縱使推咗好多聖誕Job，但都只係冰山一角。我有意將基地轉移內地，所以考慮喺北京置業！」而JC亦表示希望用這筆錢返美置業，靠一己之力養活全家。


周秀娜（Chrissie）
年齡       ：        26歲

三圍       ：        32D、23、34

身高       ：        1米70

11年收入     ：      

廣告：       內衣廣告

約800萬元

劇集：      《唐朝浪漫英雄傳》

約240萬元

出騷：      8萬元×30個

240萬元

打碟：      10萬元人民幣×20個

約240萬港元

電影：      《猛鬼愛情故事》等  

     100萬元×4部

400萬元


Jessica C.

年齡      ：        23歲

三圍      ：        34C、24、35

身高      ：        1米70

11年收入    ：      

廣告：      Wacoal、曼秀雷敦及減肥藥廣告等

     150萬元×10個

1,500萬元

出騷：      8萬元×20

160萬元

電影：《寶島雙雄》《熱浪球愛戰》

     100萬元×2部

200萬元


                                                                                                                                             
Baby星途瓣瓣掂兼開舖做老闆，搵錢搵到笑！


                                                                                                              
娜姐被內衣商睇中拍廣告，靠D Cup導彈「發財」！


                                                                                                              
JC搵錢至上，工作多啲嚟密啲手！