呂慧儀摸肚衝刺搵銀

lwl2007

港姐呂慧儀今日將與落選港男黃文迪舉行婚宴，她昨日仍出席商場活動搏殺搵銀到最後一刻，身穿鬆身裙的呂慧儀不時撫摸肚皮，但她否認「有餡」，強調婚後會先享受二人世界。

今日出嫁的「長腳蟹」港姐呂慧儀昨日最後衝刺與懷孕三個多月的陳自瑤在荷里活廣場出席新年活動，身穿鬆身裙的呂慧儀，比身材依然苗條未見凸肚的陳自瑤更似懷孕，她不時摸肚皮，令人懷疑她「奉子成婚」，但她強調沒有懷孕，因衫內貼了暖包，摸肚只是取暖，她說：「出年好多巨星級龍BB，我怕生個『蟹B』唔夠人爭，等過多幾年少啲人先生啦！享受吓二人世界先。」

呂慧儀今晚將在會展筵開25席與落選港男黃文迪舉行婚宴，但明年初才註冊，待她拍完劇集《女警愛作戰》才到歐洲及馬爾代夫旅行：「啲朋友都話我得閒到唔似結婚，男友話婚禮佢搞晒，呢次係大考，不過對佢都好有信心，佢真係好細心同埋了解我。」有指黃文迪收入不及呂慧儀，她說：「咁咪好囉！等佢有原動力，結婚全部都係佢出錢。」


YoYo上下大咗啲

剛到峇里度蜜月返港的陳自瑤（YoYo）表示因家人擔心BB小器，故早前未有報喜，現時已懷孕逾三個月，暫時未替BB改名：「未知係仔定女，所以都未諗名，但係花名就諗咗好多，好似王兒、王上。」YoYo坦言感覺到身體變化：「上下都大咗啲！」

YoYo老公王浩信昨日出席活動時，對於被指在度蜜月時仍與懷孕的YoYo行房：「我查過床下底冇人，根本唔係事實。我都有做過調查，醫生話冇問題，我都怕整到小朋友，我都冇，安全為上。」

                                                                                                                                             
呂慧儀雖然穿鬆身裙，但否認懷孕。


                                                                                                              
呂慧儀（左）、YoYo與小朋友玩遊戲，樂也融融。


                                                                                                              
呂慧儀與黃文迪早前到泰國布吉拍攝結婚照。