Kelly揮剪打造小餅印

lwl2007

不幸於上月初流產的陳慧琳（Kelly），休息個多月後復工，將於本周五出席金至尊旗艦店剪綵活動，昨日她撰文感激各界關心：「呢個幾月嚟收到好多慰問，我想喺呢度多謝每一位親戚朋友、歌迷、傳媒，同埋所有關心我嘅人為我帶嚟嘅祝福。大家對我嘅關心，我收到晒喇！呢排身體已經好咗好多，大家唔駛（使）擔心！」

她還發放與兒子「蝦餃仔」劉昇在沙灘玩的照片，並寫道：「最近劉昇大個咗好多呀！愈嚟愈多表情，古靈精怪，你哋話係咪呢？過幾日我會開始工作，到時又可以同大家見面喇！到時見！」已1歲9個月大的「蝦餃仔」，笑容與嘴仔似足媽咪，而笑容滿面的Kelly則赤腳與他玩沙。

對於頭髮長長的「蝦餃仔」被指似足「萬寧妹妹」，Kelly助手說：「『蝦餃仔』嘅髮型係Kelly親自剪o架！佢話囝囝愈大愈似自己細個嘅樣，所以剪埋同一個髮型。」問到Kelly心情如何，助手說：「平常心，佢會接受訪問，有晒心理準備。嚟緊佢會開始做簡單工作，好似剪綵、錄廣東碟同出席時裝活動。」
                                                                                                                                             
Kelly親自為「蝦餃仔」剪頭髮，與小時候的她十足餅印。

                                                                                                              

                                                                                                              

                                                                                                              
表情多多的「蝦餃仔」，氹得Kelly十分開心。