Jeana否認擂台戰撩事鬥非，她說：「唔係惡意，只係想大家玩吓。」對於勁敵龜縮，Jeana繼續挑釁：「今日好想多啲人嚟，原來佢哋只係得把口，做就無能為力，今日星期日應該好得閒，唔係驚咗我呀？佢哋嚟又唔使畀人情，都冇戰鬥心嘅，出口術係冇用嘅，唔好成日掛住同海龜玩遊戲啦！」近日與 Jeana不時針鋒相對的趙碩之也沒影蹤，為何前日兩人一同出席活動不邀她出席？Jeana指沒有機會親自邀請趙碩之，她說：「冇機會，我哋只係 say hi，冇時間 say bye。」Jeana早前聲聲挑戰墮胸女，雖不開名，但她前日與趙碩之同場才互寸過有關話題，不難令人猜到她口中所指是 36D的趙碩之，Jeana抵死說：「唔止佢，大家估吓啦！」至於以潘霜霜和張馨予為首的國產乳牛黨，竟於書展前臨陣脫腳，寫真集難產，剩下的呂婉柔等國模聲勢稍遜，加上不去書展撐場難免失色。至於本地薑 o靚模為突破防線，也紛紛出招踩場，許穎（ Phoebe）和趙哲妤已安排好後日中午神秘踩場，力撼派糖送甜的Donut魔女。
